Arrestohen 3 “skifterët” në Tiranë

Zbardhen dhe dokumentohen 7 vjedhje të kryera ditët e fundit, në Tiranë, për të cilat janë arrestuar 3 persona.

Blutë bënë me dije se në pranga kanë vënë shtetasit me iniciale A. N., 53 vjeç, banues në Fushë-Krujë, E. A., 30 vjeç, dhe G. D., 40 vjeç, banues në Tiranë.

Nga veprimet hetimore ka rezultuar se 3 shtetasit, ditët e fundit, kanë kryer vjedhje të ndryshme në zonën e Tiranës.

Shtetasi E. A., dyshohet se ka vjedhur një shumë parash në një biznes në sheshin “Karl Topia”, ndërsa dytë tjerët, dyshohet se kanë vjedhur shuma parash në 6 banesa, në kohë dhe vende të ndryshme.

Materialet procedurale për këto raste i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.