Arrestohen grabitësit që lidhën çiftin me fëmijën dhe morën 40 mijë lekë

Policia e Tiranës ka mundur të arrestojë tre autorët e dyshuar të grabitjes së shtëpisë në Zall Herr, mbrëmjen 30 prillit, duke u hequr si efektivë policë që kishin hyrë në shtëpi për kontroll armësh.

Policia njoftoi se autorët e dyshuar të grabitjes së shtëpisë së shtetasit B.Z janë J.A., 29 vjeç (organizatori i vjedhjes, i cili u kap në fshatin Grec) dhe N. B., 20 vjeç e D. B., 26 vjeç (vëllezër), u kapën në fshatin Tapizë, Nikël;

Bëhet e ditur se nën cilësinë e provës materiale Policia ka sekuestruar automjetin e përdorur nga autorët, si dhe njërën prej armëve, e cila u gjet nga polumbarët e Repartit Special RENEA e hedhur në lumin Tapizë. Aktualisht grupi i zhytësve po punon për gjetjen e armës tjetër që kanë përdorur autorët.