E goditën edhe me sende të forta dhe mjete prerëse

Mbytja me tel e babait fierak nga e bija! Veç nënës, 26-vjeçaren e ndihmoi dhe një 55-vjeçar

Autorët Ermalinda Rama, Valbona Rama, Çlirim Dogani dhe i ndjeri Anesti Rama

Policia ka njoftuar se ka arrestuar shtetasin Çlirim Dogani, lidhje shoqërore me 26-vjeçaren Rama dhe të ëmën e saj. Bashkëpunëtori i Ermalinda Ramës, 26-vjeçares akuzohet si bashkëpunëtor në vrasjen babait e saj, Anesti Rama.

NJOFTIMI ZYRTAR

Punë e pandërprerë hetimore për zbardhjen e plotë të rrethanave të ngjarjes së ndodhur në fshatin Frashër, ku shtetasja E. R. vrau për motive të dobëta, babanë e saj. Vihet në pranga bashkëpuntori i 26-vjeçares.

Në vijim të hetimeve të kryera me qëllim dokumentimin e plotë të rrethanave të ngjarjes, specialistët e Seksionit për Hetimin e Krimeve Kundër Personit të Drejtorisë Vendore të Policisë Fier bënë ndalimin e shtetasit Ç. D., 55 vjeç, banues në fshatin Arapaj, Roskovec.

Nga kryerja e hetimeve dyshohet se ky shtetas ka bashkëpunuar me shtetasen E. R., në vrasjen e babait të saj nëpërmjet strangulimit (mbytje me tel), si edhe duke përdorur sende të forta dhe mjete prerëse.

Materialet procedurale iu referuan Prokurorisë së Fierit, për veprime të mëtejshme.