Arrestohet njëri nga organizatorët e rrëmbimit dhe vrasjes së Jan Prengës pas tre vitesh

Policia shqiptare dhe ajo e Kosovës kanë arrestuar Aldo Majnishtën, 29 vjeç nga Shkodra, njëri nga organizatorët e rrëmbimit dhe vrasjes së Jan Prengës në zonën e Kamzës.

Sipas policisë së Shtetit, ai qarkullonte në Kosovë me identitet të rremë dhe ishte i kërkuar për krime të ndryshme. Gjykata e Posaçme kundër Korrupsionit dhe Krimit të Organizuar e ka caktuar masën e sigurisë “Arrest në burg” për veprat penale të lidhura me këtë ngjarje. Interpol Tirana ka filluar procedurat për ekstradimin e tij drejt Shqipërisë.