Arsenali e mbyll vitin me humbje, Fulham fiton me përmbysje

Arsenali nuk arrin ta mbyllë vitin 2023 në krye të Premier League. Nënkampionët e Anglisë u mposhtën 2-1 me përmbysje në fushën e Fulhamit, duke regjistruar disfatën e dytë radhazi në kampionat. Feston Tottenham në krahun tjetër pas suksesit 3-1 ndaj Bournemouth.

Gunners kaluan shpejt në avantazh në “Craven Cottage”. Bukayo Saka zhbllokoi takimin në minutën e pestë, por vendasit përmbysën gjithçka falë golave të Raul Jimenez (29’) dhe Bobby De Cordova-Reid (60’).

Pavarësisht insistimit, Arsenali nuk ia doli të gjente golin e barazimit, duke e mbyllur vitin në mënyrën më të keqe të mundshme. Fitore e madhe për Fulhamin, teksa djemtë e Artetës mbetën në kuotën e 40 pikëve. Dy më pak se Liverpooli dhe Aston Villa.