Një ngjarje e rëndë, tepër tragjike dhe ideale për një skenarist hollivudi ka ndodhur sot në Athinë të Greqisë.
Brenda një pusi është gjendur një valixhe e cila ka ngjallur dyshime. Pasi është hapur është konstatuar që brenda saj ishte trupi i pajetë i një gruaje.
Valixhja u gjet nga një gjahtar i zonës së Vilia-s në Athinë. Valixhja ishte hedhur në një pus, në autostradën e vjetër për në Tebë, në një zonë që ishte veçanërisht e vështirë për t’u gjetur.
Trupi ishte i dekompozuar dhe dyshohet se gjendej aty për një kohë të gjatë dhe i vetmi objekt brenda valixhes ishin të brendshmet e një gruaje.
Policia greke ka nisur hetimet për identifikimin e trupit dhe autorëve të krimit.
