Avokati Goxhaj: Fasada e pallatit me material të djegshëm, banorët të kërkojnë dëmshpërblim

Mesditën e sotme rreth orës 14:00, një pallat në rrugën “Sali Butka” u përfshi nga flakët.

Por ato u përhapën me shpejtësi për shkak të problemeve që hasën zjarrfikësit, distancës mes pallateve por edhe materialit të fasadës.

Duke u ndalur te kjo e fundit, avokati i njohur Altin Goxhaj ka bërë një reagim në rrjetet sociale.

Ai thotë se është idiotësi veshja e pallatit me material që digjet që të ngjajë bukur.

Ai iu bën thirrje banorëve që të hedhin në gjyq ndërtuesin e pallatit dhe të kërkojnë dëmshpërblim sa më parë pasi është e drejta e tyre.

Reagimi i avokatit:

Përveç absurdit të distancës midis 2 pallateve, nuk e imagjinoj dot çfarë idiotësie ishte kjo veshja e pallatit me material që digjet që të ngjajë bukur!!! Bje zjarri në kat të fundit dhe digjet gjithë pallati deri në katin e parë!!! Çdo banor i atij pallati ka të drejtë të hedhë në gjyq për dëmshpërblim atë që e ndërtoi dhe ua shiti sapunin për djath!!!