Banorët e Astirit tentojnë të shqyejnë derën e Bashkisë së Tiranës

Banorët e ‘Unazës së re” që preken nga projekti i zgjerimit të rrugës për të dytën ditë me radhë kanë bllokuar rrugën përpara bashkisë, ku kërkojnë takim me autoritet vendore.

Ata kanë bllokuar kalimin e automjete edhe kanë hedhur thirrje kundër qeverisë dhe bashkisë.

Një prej banorëve, tregoi premtimin që u kishte bërë Edi Rama në kohën e fushatës së 2013.

“Kur ke ardhur për të marrë votat në mandatin e parë na ke thënë “edhe Enver Hoxha të ngjallet nuk i prish dot këto shtëpi”, por na kë gënjyer ti e tradhtove këtë familje, vëri gishtin kokës dhe mos i hidh në rrugë këta njerëz”, ka qenë deklarata e një qytetari.

Më pas ata kanë tentuar që të shqyejnë dhe derën e Bashkisë së Tiranës, por janë ndaluar nga policët që ishin të pranishëm.