Basha bën deklaratën e fortë: Përplasja është e pa evitueshme

Kreu i PD-së, Lulzim Basha ka bërë një deklaratë të fortë pasditen e sotme, ndërsa tha se “përplasja është e paevitueshme”.

Në një bashkëbisedim me gazetarët, pas takimeve në Gjermani, kreu i PD-së u shpreh se këto janë javët e fundit të mundësisë së zgjidhjes së krizës me instrumente politik, ndërsa shtoi se “koha po mbaron”.

“Ta shtymë sa ta shtymë. Koha është foli për shqiptarët. Këto janë javët e fundit të mundësisë për zgjidhjen e krizës politike me instrumente politik. përplasja është e paevitueshme, nëse ky grupi strukturuar, kjo kalçeto pushtetarësh oligarkësh dhe kriminelësh kërkon të mbajë peng vendin, kërkon të përzë shqiptarët, atëherë ajo  që nisi në stadiumin e Tiranës dhe vazhdoi dje në stadiumin e Korçës, është vetëm fillimi i një tërbimi dhe zemërimi popullor që do t’i marrë përpara me sojë e sorollop”, tha Basha.