Basha flet pas mbledhjes së Këshillit të Sigurisë: I kërkova qeverisë mbështetjen për familjet në nevojë dhe bizneset

Basha thotë se i ka kërkuar qeverisë të drejtojë energjitë dhe resurset ndaj qytetarëve në nevojë dhe jo për sulme politike. Në mbledhjen e Këshillit të Sigurisë Kombëtare thirrur nga presidenti Ilir Meta, Basha ka kërkuar sërish rritjen e numrit të testimeve për Covid-19.

“Në mbledhjen e KSK detajova arsyet, nevojën dhe përfitimet që kanë qytetarët nga rritja e testimeve, si dhe i kërkova qeverisë mbështetjen për familjet në nevojë dhe bizneset në këto kohë të vështira. Njerëzit duan garanci për jetën, shëndetin dhe mirëqenien e tyre.

Ky është angazhimi im dhe i opozitës. Gjithë energjitë dhe resurset e qeverisë duhet të shkojnë për të lehtësuar krizën dhe jo për sulme politike, sepse sot shqiptarët e papunë dhe në vështirësi ekonomike, kanë nevojë për mbështetje të menjëhershme”, shprehet Basha.