Basha: Përkeqësimi i  lirisë së medias, i shtohet panoramës së hidhur të krimit dhe korrupsionit

Kreu i PD Lulzim Basha ka reaguar pas raportit të Reporterëve pa kufij për lirinë e medias, ku Shqipëria ka humbur 2 pozicione dhe bën fajtore qeverinë.

 

Në një postim në rrjetet sociale, Basha shkruan se “Shqipëria është përkeqësuar dhe ka rënë më poshtë në indeksin e lirisë së medias! Kjo ka ardhur si pasojë e nismave të qeverisë për të censuruar fjalën e lirë e ushtruar presion ndaj atyre që denoncojnë korrupsionin, lidhjet e politikës me krimin dhe abuzimet me fondet publike“.

 

Sipas Bashës, ai që ka frikë nga fjala e lirë është armik i demokracisë.

“Ai që përditë nëpërkëmb dhe ofendon gazetarët, duke kërcënuar ata që mendojnë ndryshe e denoncojnë aferat korruptive, ai përditë largon gjithnjë dhe më shumë vendin dhe shqiptarët nga standartet europiane.

Censura, dhuna dhe autocensura në një vend që pret për antarësim në Bashkimin Europian, i shtohen panoramës së hidhur të krimit dhe korrupsionit që kjo qeveri servir në tryezën e ligjvënësve europianë“, e mbyll Basha mesazhin e tij.