Berisha në merak për gardistët e parlamentit: Tu ndërtohet një strehë

Ish-kryeministri Sali Berisha i ka drejtuar një kërkesë të veçantë sot Kuvendit. Gjatë fjalës së tij ai kërkoi që punonjësve të gardës që qëndrojnë jashtë Parlamentit tu ndërtohet një strehë për t’i mbrojtur nga shiu, ashtu siç është vepruar me gazetarët.

“Ka një grup të gardës që rrinë në shi te dera dhe nuk u bëhet një strehë që të rrinë. Ju që drejtoni parlamentin nuk keni detyrë vetëm mikrofonin por tërësinë e shërbimeve që duhet të kenë kushtet më minimale. Gazetarët kanë një strehë aty dhe është shumë mirë, por edhe rojeve te dera u bëhet një strehë. Kjo ishte në rrafshin human”,deklaroi Berisha.