Berisha reagon pas deklaratave të Bashës, ja komenti për kandidatët e kryedemokratit në zgjedhje

Sali Berisha ka reaguar një ditë pas deklaratave të kreut të PD-së Basha i cili u shpreh se ish-kryeministri sulmoi Partinë Demokratike për Ilir Metën.

Gjatë një prononcimi për mediat Berisha u shpreh: “A mund t’i përgjigjesh njeriut që në dy fjalë thotë tre gënjeshtra?! Ju servir ju, jo 7 x 7 bëjnë 42, por po u server 19958 për 5004. Njeriu që jeton si i rrethuar si në bunker. Nuk mund të ketë përgjigje për këtë njeri!”.

I pyetur nëse ka një koment për kandidatët e propozuar nga Basha për zgjedhjet e 6 marsit, Berisha u përgjigj: “Komente personale për ta nuk kam, kam komentin e përgjithshëm që ata janë kandidatët e Lul Bravës dhe nuk kanë asgjë me anëtarësinë. Anëtarët e PD sot kudo që janë kanë kandidatët e propozuar prej tyre më të shkëlqyerit dhe kandidatët e fitores të paraqitur para jush tre ditë më parë”.