Berisha zgjedh trashëgimtarin? Zbulohet kush do e marrë PD-në

Gazetarja Ambrozia Meta deklaroi se figura që Sali Berisha mund t’i besojë drejtimin e Partisë Demokratike është Belind Këlliçi.

Sipas saj, nëse Berisha do të zgjidhte një pasues politik, skenari më i mundshëm do të ishte ai i “trashëgimisë” që dikur ndodhi me Lulzim Bashën.

“Nëse ka dikë që mund të marrë partinë me bekimin e Berishës, është Belind Këlliçi. Kjo do të ishte një lloj trashëgimie, si rasti i Bashës,” u shpreh Meta në “Vizion Plus”.

Ajo theksoi se Ervin Salianji nuk gëzon mbështetje të gjerë brenda demokratëve.

“Salianji nuk është figurë e pëlqyer në PD. Nuk më rezulton i pritur mirë. Nuk ka ardhur si një talent i madh politik. Edhe Belindi nuk shihet si lider nga demokratët, por nëse Berisha do t’ia linte dikujt partinë, përshtypja ime është se do t’ia linte Këlliçit,” tha Meta.