Biznesmen në fushën e ndërtimit, policia italiane arreston shqiptarin me mbi 300 mijë euro drogë

Një sasi lëndë narkotike me vlerën e mbi 300 mijë eurove është sekuestruar nga policia italiane në Genova, duke çuar në pranga dy kontraktorë në fushën e ndërtimit.

Në pranga përfunduan shqiptari Dorian Resili, 40-vjeç dhe italiani, Andrea Giustetti, 50 vjeç, të dy pronarë të një kompanie ndërtimi.

Lënda narkotike ishte fshehur në një kuti brenda një garazhi, ndërsa afër drogës u gjetën edhe copa letrash, të cilat po verifikohen nga hetuesit për të zbuluar nëse japin të dhëna të rëndësishme.