“Blindohet” Kisha e Laçit, si do menaxhohet pelegrinazhi për 13 javë

Policia e Lezhës dhe Policia e Kurbinit kanë vënë në zbatim një plan të posaçëm masash për mbarëvajtjen e pelegrinazhit në Kisha e Shna Ndout, i cili ka nisur më 17 mars dhe zhvillohet çdo të martë për 13 javë radhazi.

Sipas njoftimit zyrtar, fokusi i këtij plani është garantimi i rendit dhe sigurisë, përmes parandalimit të ngjarjeve kriminale, menaxhimit të fluksit të besimtarëve, si dhe shmangies së aksidenteve rrugore dhe kaosit në qarkullim.

Për këtë qëllim, shërbimet e Policisë Rrugore janë vendosur përgjatë aksit Autostradë-Laç, deri në afërsi të kishës, për të orientuar lëvizjen e mjeteve dhe për të parandaluar bllokimet.

Prezencë e shtuar policore raportohet edhe në zonat kyçe si Patok, pranë Gjykata e Laçit dhe në afërsi të varrezave të qytetit.

Ndërkohë, efektivë policie janë dislokuar edhe në hyrje-daljet e vendparkimeve rreth kishës, si dhe në segmentin malor, ku fluksi i automjeteve paraqet rrezik më të lartë për trafik të rënduar.

Në terren janë angazhuar patrulla të Rendit Publik, Policisë Rrugore dhe Policisë Kriminale, me synim garantimin e sigurisë për të gjithë besimtarët dhe parandalimin e çdo incidenti të mundshëm.

Autoritetet u bëjnë thirrje qytetarëve dhe drejtuesve të mjeteve të respektojnë udhëzimet e policisë, në mënyrë që pelegrinazhi të zhvillohet i qetë dhe pa probleme.