Bllokohet edhe sot,kalimi i automjeteve në Greqi, shkak greva e policisë helene

Qarkullimi i automjeteve nga Shqipëria drejt Greqisë është ndaluar për shkak të një greve që janë duke zhvilluar punonjësit e policisë kufitare greke.

Lajmin e njofton policia shqiptare, që sqaron se kjo grevë do të përfundojë pasnesër në orën 07:00 të mëngjesit.

“Njoftohemi nga Policia Greke se për shkak të një greve që do të zhvillohet nga Dogana Greke, duke filluar nga ora 07:00 të datës 09.11.2017 deri në orën 07:00 të datës 10.11.2017 nuk do lejohet qarkullimi i automjeteve drejt shtetit të Greqisë dhe anasjelltas. Do të lejohet vetëm lëvizja e këmbësorëve.

Policia Kufitare kërkon mirëkuptimin e drejtuesve të automjeteve që kanë planifikuar të qarkullojnë me automjetet e tyre në drejtim të Greqisë të anulojnë lëvizjet dhe të mos grumbullohen në Pikën e Kalimit Kufitar duke sjellë konfuzion.