Bllokohet rruga e Arbrit, dhjetëra makina “ngecin” mes temperaturave të ulëta

Reshjet e dendura të shiut dhe borës kanë bërë që rruga e Arbrit dhe by pass-i në qafën e Murrizit të bllokohet si pasojë e motit të keq në vend. Burime për median bëjnë me dije se në zonë është krijuar radhë e gjatë automjetesh, pasi këto të fundit kanë mbetur të bllokuara. Mjete të transportit publik dhe privatë mësohet se kanë për rreth një ore që kanë ngecur në rrugë si pasojë e bllokimit të aksit, teksa vlen të theksohet se temperaturat janë disa gradë nën 0 zero.

Gjatë natës parashikohet që temperaturat pritet të zbresin deri në -5 gradë celsius dhe të ketë dëborë deri në 600 metra mbi nivelin e detit. Gjithashtu fshatrat e thella të njësive administrative të Lurës, Kalasë së Dodës, Selishtës e Sllovës në Bashkinë Dibër ka probleme me lëvizjen e automjeteve, ndërsa situata problematike paraqitet edhe në fshatrat e Ostrenit e Trebishtit, si dhe Tërnovë e Madhe në Bulqizë.