Bregu tregon gabimin e fundit të Berishës në PD

Ish-ministrja e Integrimit, Majlinda Bregu, ishte e ftuar në emisionin “Studio e hapur”, ku ka folur mbi zhvillimet brenda Partisë Demokratike, si partia më e madhe në vend.

Ajo u shpreh se ish-kryeministri Sali Berisha kishte bërë gabim në mbështetjen e Lulzim Bashës në zgjedhjen e tij të parë në krye të PD-së, ndërsa shtoi se pa Berishën shumë figura në PD nga 2005 nuk do të ishin.

“Absolutisht, pa Sali Berishën, Lulzim Basha nuk mund të ishte bërë kryetar i PD, ashtu siç edhe shumë figura të PD-së, si dhe unë, të ardhura nga 2005 nuk mund të ishin njohur pa kontributin e Berishës.”, – tha Bregu.

Sipas saj Berisha, gaboi kur legjitimoi zgjedhjet e fundit në Partinë demokratike, të cilat ishin abuzive dhe të turpshme.