Bulqizë/ U konfliktuan në dasmë, goditet mbi 5 herë me thikë 25-vjeçari!

Një 25-vjeçar është plagosur me thikë pas një konflikt të çastit në një dasmë në Bulqizë.

Mësohet se i plagosur ka mbetur shtetasi Besnik Kurti, i cili është qëlluar me thikë nga një 18-vjeçar

Po ashtu i plagosur ka mbetur edhe shtetasi me iniciale K.K., i cili ka ndërhyrë për t’i ndarë dy të rinjtë, si dhe në pranga ka rëndë edhe autori i dyshuar i ngjarjes.

Njoftim i policisë:

Bulqizë/Plagosi me mjet prerës ( thikë) një shtetas, pas një konfliki të çastit, falë reagimit në kohë të shërbimeve të Policisë, identifikohet, kapet dhe arrestohet autori i dyshuar.

Në orët e vona të mbrëmjes së djeshme në njësinë administrative Ostren , pas një konflikti të çastit, shtetasi A.A., 18 vjeç, banues në Ostren, ka plagosur me thikë shtetasin B.K.,25 vjeç, banues po në Ostren, i cili po merr ndihmë mjekësore në spital. Gjatë këtij konflikti ka ndërhyrë për ti ndarë dhe shtetasi K.K., i cili ka pësuar lëndime të lehta trupore.

Falë veprimeve të shpejta hetimore operacionale, nga shërbimet e Policisë Bulqizë dhe strukturat Hetimore të Drejtorisë Vendore të Policisë Dibër, u bë e mundur kapja dhe arrestimi 18-vjeçarit, si autor i dyshuar i ngjarjes.

Vijojnë veprimet hetimore nga grupi hetimor nën drejtimin e Prokurorisë, për zbardhjen e plotë të rrethanave të ngjarjes.