Çelajt e Elbasanit shpërthyen bombën në “Rus” të Shkodrës?

Shtatë persona janë arrestuar si autorë të dyshuar të atentatit që ndodhi në Rus të Shkodrës afro një muaj më parë. Televizonet informative Ora News dhe News 24 raportojnë se të ndaluar janë: Endri Copja, Alfred Sula, Bruno H dhe A.L. Të ndaluarit kanë lidhje me Çelajt e Elbasanit që kanë në pronësi dhe tregun industrial.

Neë atentatin e Shkodrës ndaj Lulzim Kullës, përpos tij, mbeten të plagosur në lagjen tregtare “Rus” dhe 5 kalimtarë të rastësishëm.

Motori me të cilin u krye shpërthimi u dërgua me makinë nga Elbasani drejt Shkodrës.

Policia e Shtetit pritet të dalë në deklaratë për mediat për arrestimet e bujshme dhe të sqarojë edhe konfliktet e mundshme të bandave të Elbasanit me ato të Shkodrës.

Kujtojmë se në tregun ushqimor të Elbasanit në Shtator u shënua edhe një incident i rëndë ku u përplas makina e policisë.