Çfarë thotë Mark Frroku për sherrin me banorët në Kepin e Rodonit

DURRES

Gjykata e Durrësit ka caktuar masën “Detyrim paraqitje” për 8 të arrestuarit në konfliktin e ndodhur të dielën në “Kepin e Rodonit” në Durrës, përfshirë dhe ish-deputetin Mark Frroku.

Arrest me burg në mungesë u dha vetëm për shtetasin Besnik Toma, kushëririn e ish-deputetit Frroku, i cili dyshohet se është personi që qëlloi në ajër me armë zjarri. Prokurori Gezim Veizi kërkoi që të konsiderohej i ligjshëm arrestimi dhe kërkoi si masë sigurie detyrim paraqitje per shtetasit Bajram Kaculi, Erion Reka, orion Reka, Ylli Reka (banore te zones), si dhe për Mark Frrokun, Antonio Lazari, Martin Lazari dhe Pal Doda (përfaqësues të kompanisë së pajtuar nga Kisha Franceskane për kryerjen e rrethimit të parcelës së tokës. Prokurori kërkoi arrest me burg per shtetasin Besnik Toma i cili dyshohet se ka qëlluar me pistoletë. Kerkese qe u pranua edhe nga gjygjtarja Entela Shedula.

Ish-deputeti i Partisë Socialiste, Mark Frroku është pritur me përqafime pasi Gjykata e Durrësit i caktoi një masë më të lehtë sigurie se ajo e arrestit me burg për sherrin për pronën në Kepin e Rodonit.

Pas lirimit në sallën e gjyqit, ai tha se ishte në vendin e punës kur u sulmua duke akuzuar banorët e zonës për konfliktin. “Ishim në vendin e punës, konform të gjitha ligjeve shqiptare në fuqi. U konfliktuan ata që erdhën. Ne ishim në vendin e punës. Çfarë të them më tepër”, tha ai.