Romani më i mirë i vitit ësht shpallur “Ngjizja e papërlyeme”

eQendra Kombëtare e Librit dhe Leximit ka ndarë pasditën e sotme Çmimet Kombëtare të Letërsisë për vitin 2021.

Romani më i mirë i vitit ësht shpallur “Ngjizja e papërlyeme” e shkrimtarit Agron Tufa. Në garë për këtë ccmim ishin edhe 4 finalistët e tjerë: Bashkim Hoxha  me “Një shaka e vogël me vdekjen”;  Mira Meksi  me “Kutia e Agatha Christie-t” ; Ridvan Dibra  me “Gruaja që deshe” dhe  Stefan Çapaliku  me “Mbyllur për pushime”.

Vëllimi më i mirë me tregime i vitit është përzgjedhur “Nga një derë në tjetrën” e Durim Daçit. Në garë për këtë çmim ishin edhe 4 finalistët e tjerë: Arb Elo  me “Fugu”; Edmond Tupja me “Jehona ngacmimesh të çuditshme”; Nasi Lera  me “Vetmia e syve të qenit” dhe Ndue Ukaj “Mbretëria e ëndrrave”.

Vepra më e mirë e vitit studimore letrare u zgjodh vepra e shkrimtareve  Persida Asllani, Dhurata Shehri me “Për një histori të krahasuar të letërsisë shqipe”. Në garë për këtë çmim ishin edhe 4 finalistët e tjerë: Bardhosh Gaçe me  “Universi poetik i Fatos Arapit”; Gazmend Krasniqi, Vjollca Osja  me “Arti i poezisë”; Shaban Sinani me “Shekulli letrar i Ismail Kadaresë” dhe Xhevat Lloshi  me “Vështrime stilistike”.

Vëllimi më i mirë poetik i vitit u zgjodh libri i Visar Zhitit, “Dorëshkrimet e burgut”. Në garë për këtë çmim ishin edhe 3 finalistët e tjerë: Adelina Mamaqi me “Qielli shkundte yjet”;  Nurie Emrullai me  “Në orën moderne të perëndive” dhe Preç Zogaj  me “Një e tretë, dashuria”.

Çmimin e përkthimit më të mirë të vitit e fiton Saverina Pasho me “Njeriu i parë”  Albert Camus.Në garë për këtë çmim ishin edhe 4 finalistët e tjerë: Anna Kove me “Teposhtë” të Herta Muller  ; Erion Karabolli me “Shtatë të çmendurit” e Roberto Arlt;  Korab Hoxha me “Pasqyra dhe drita” të Hilary Mantel  dhe Sokol Çunga me përkthimin e “Antologji e poezisë bashkëkohore greke”, nga një grup autorësh.

Ndërkohë që libri më i mirë për fëmijë i vitit u zgjodh ai i Anila Kadijës  i titulluar  “Ninulla e zemrës”.Në garë për këtë çmim ishin dhe Natasha Poroçani  me “Bëmat e Estes dhe Kokosë – Ditari i Estes”;  Rudina Çupi  me “Piratë dhe paratë”;  Sazan Goliku  me “Kërkimi” dhe Xhahid Bushati me “O trumcak, bredharak”.