Çmimi i naftës rritet me 6% si pasojë e sanksioneve ndaj Rusisë

Çmimi i naftës u rrit ndjeshëm të mërkurën si pasojë e sanksioneve të vendosura ndaj Rusisë për pushtimin e Ukrainës.

Nafta amerikane u rrit me 6.3% në 105.97 dollarë për fuçi. Ndërsa nafta e papërpunuar Brent shkoi 5.2% ose 107.75 dollarë për fuçi. Rritja sërish e çmimeve vjen mes pasigurisë së vazhdueshme mbi furnizimin me energji ruse në Evropë.

Jo vetëm që Bashkimi Evropian po debaton një embargo ndaj naftës ruse, por Ukraina pezulloi rrjedhën e një pjese të gazit natyror rus në Evropë. Operatori ukrainas i sistemit të transmetimit të gazit fajësoi “ndërhyrjen e forcave okupuese”. “Çmimet janë ngritur. Tregjet janë të dobëta,” tha Matt Smith, analist kryesor i naftës për Amerikën në firmën e të dhënave dhe analitikës Kpler.

Nafta amerikane ra 9% gjatë dy ditëve të fundit, duke përfunduar të martën në 99.76 dollarë për fuçi për t’u rritur sërish sot.  Çmimet e gazit arritën në 4.40 dollarë për gallon të mërkurën për herë të parë ndonjëherë, duke u rritur tre cent në një ditë, sipas AAA. Rekordi i ri e lë mesataren kombëtare me 17 cent vetëm në javën e kaluar dhe shumë mbi kulmin e marsit prej 4,33 dollarësh.