Covid-19 në Kosovë/ Asnjë humbje jete, regjistrohen 12 raste të reja në 24 orët e fundit

Në 24 orët paraprake, po ashtu, janë shëruar 16 pacientë, ndërkohë raste aktive janë 323.

Ndërkaq, sa i përket vaksinimit kundër koronavirus, në 24-orëshin paraprak janë dhënë 1,627 doza të vaksinës.

Kosova ka nisur fushatën e imunizimit kundër koronavirusit në fund të muajit mars. Të drejtë të vaksinimit kanë personat mbi 12 vjeç.

Deri më tani në Kosovë janë dhënë mbi 1.6 milion doza të vaksinës kundër koronavirusit dhe 759,134 persona janë imunizuar me të dyja dozat.

Në Kosovë jepen vaksinat e Pfizer/BioNTech dhe AstraZeneca dhe qytetarët kanë të drejtë të zgjedhin se cilën prej këtyre dy vaksinave duan të marrin.