COVID mbyll gjimnazin në Sarandë/ Edhe pse të vaksinuar

Infektimi me COVID ka bërë që shkolla e mesme “Qazim Pali” në Borsh të mbyllet.

Sipas raportimit, 7 mësues dhe 6 nxënës janë infektuar, duke bere që shkolla të qëndrojë e mbyllur për një periudhë periudhë kohore prej 10 ditësh.

Drejtoria e shkollës ka lajmëruar se të gjithë mësuesit e kësaj shkolle janë të vaksinuar me të dy dozat. Shkolla e Borshit ka 150 nxënës dhe një personel prej 15 mësuesish.

Mbyllja e shkollës “Qazim Pali” nga Covid, është rasti i parë pas fillimit të procesit mësimor që mbyllet një institucion arsimor. Sipas Njësisë Vendore të Kujdesit Shëndetësor në Sarandë, ditën e enjte kanë rezultuar pozitiv 18 raste, 15 raste nga testimet e shpejta dhe 3 raste nga përgjigjet e ardhura nga Instituti.