Ç’po ndodh? RENEA zbarkon në aksion, lëshohen disa urdhër-arreste

Forcat speciale RENEA kanë ndërmarrë një operacion të gjerë në disa zona të Tiranës, përfshirë edhe zonën e Myslym Shyrit.

Sipas raportimeve të gazetares Dorjana Bezat, aksioni nuk është i përqendruar vetëm në një pikë, por po zhvillohet paralelisht në disa lagje të kryeqytetit.

Lëvizja e RENEA-s vjen pas lëshimit të disa urdhër-arresteve nga Prokuroria e Posaçme (SPAK), dhe dyshohet se lidhet me zbardhjen e një ngjarjeje të rëndë kriminale.

Ndërkohë, burime bëjnë me dije se policia ka zhvilluar kontrolle edhe gjatë natës në qytetin e Lezhës, megjithatë detajet zyrtare mbi këtë pjesë të operacionit nuk janë bërë ende publike.