Crystal Palace turpëron Liverpool-in, kalojnë Arsenali, Chelsea e City

Surpriza në EFL Cup

Sezoni i Liverpool-it po shndërrohet në një makth të vërtetë. “Reds”-at u eliminuan nga EFL Cup me një humbje të thellë 0-3 në “Anfield” ndaj Crystal Palace.

Pavarësisht mbështetjes së tifozëve, Liverpool u tregua i pafuqishëm përballë një Palace-i të organizuar në çdo repart, që dominoi ndeshjen dhe shfrytëzoi çdo dobësi të vendasve. Ky ishte dështimi i gjashtë në shtatë ndeshjet e fundit për “The Reds”, një statistikë alarmante për një skuadër që vetëm pak muaj më parë synonte çdo trofe.

Ndërkohë, klubet e tjera të Premier League kaluan me sukses: Arsenali fitoi 2-0 ndaj Brightonit, Manchester City triumfoi 1-3 në fushën e Swanseas, ndërsa Chelsea dhuroi spektakël në përballjen me Wolves, duke fituar 3-4.

Një tjetër surprizë erdhi nga Newcastle, që eliminoi Tottenhamin me rezultatin 2-0, duke vulosur një raund plot befasi në EFL Cup.

Rezultatet e plota të raundit:

• Liverpool 0–3 Crystal Palace

• Arsenal 2–0 Brighton

• Swansea 1–3 Manchester City

• Wolves 3–4 Chelsea

• Newcastle 2–0 Tottenham