Çuçi: Protesta është një manifestim politik, ka një krizë…

Deputeti i Partisë Socialiste dhe njëherazi anëtar i Komisionit të Ligjeve, Bledi Çuçi, i ftuar në emisionin “Real Story” në Vizion Plus, e ka quajtur protestën e opozitës një manifestim politik për intersa personale të partive opozitare.

Çuçi është shprehur se kjo bëhet pasi opozita ka një krizë brenda vetes dhe kërkon që ta zgjidhë nëpërmjet manifestimeve.

“Është një manifestim politik. Nuk është një protestë, pasi protestat vijnë nga poshtë, me më pas mund të marrë një masë të caktuar.

Nuk është protestë dhe e parë si një manifestim është një instrument që opozita e përdorë si lojë politike, kjo pasi ka një krizë brenda vetes dhe do që ta zgjidhë nëpërmjet ekstremizmit”- u shpeh Bledi Çuçi.