Daja i Zegjines plagos ish-vjehrrin e tij

Një person është plagosur me çekiç mbrëmjen e djeshme në fshatin Suk të Roskovecit, pas një konflikti mes dy personave.

Sipas informacioneve paraprake, i dyshuari, i identifikuar si daja i deputetes Zegjine Çaushi, ka shkuar në banesën e ish-bashkëjetueses së tij, ku pas një konflikti me babain e saj dyshohet se e ka goditur me çekiç.

I plagosuri ndodhet jashtë rrezikut për jetën dhe po merr ndihmë mjekësore.

Policia ka shpallur në kërkim autorin e dyshuar dhe po punon për dokumentimin e plotë të ngjarjes dhe zbardhjen e rrethanave të konfliktit.