Dajlan Avdia kullë 47 kate përballë ambasadës amerikane

Përditësuar më 24 Korrik 2025, 18:48

Tiranë, 24 Korrik 2025

Publik.al

Përballë ambasadës amerikane në Tiranë, një nga zonat më të sigurta dhe të mbikëqyrura të vendit, pritet të ngrihet një kullë 47-katëshe e quajtur “Embassy Tower”. Por pas projektit të përfolur dhe miratimit të lejeve fshihet një histori e errët me ndërtime të dyfishta dhe ndërrime të mistershme pronësie.

Sipas dokumenteve të siguruara nga ekofin.media, projekti fillimisht i është dhënë kompanisë “Hanxhari Group”, e cila mori lejen e zhvillimit nga Këshilli Kombëtar i Territorit dhe Ujit (KKTU) në mbledhjen e datës 28 janar 2025.

Megjithatë, pa shumë zhurmë dhe pa asnjë njoftim publik, vetëm pesë muaj më vonë, më 4 qershor, KKTU ka miratuar lejen për ndërtimin e kullës  por kësaj here, zhvillues nuk është më “Hanxhari Group”, por një kompani tjetër: Invest Society Sh.p.k.

Kush qëndron pas Invest Society?

Kompania që ka marrë lejen për të ndërtuar “Embassy Tower” rezulton me aksionerë:

• Dajlan Avdina – 75%
• Glendi Abvi – 20%
• Edison Hatellari – 5%

Ndërsa publikut i shitet si një projekt i njëjtë, në prapaskenë kemi një ndryshim të beftë të pronësisë dhe përfituesve, duke ngritur dyshime të forta për:

✅ Shitje të projektit për miliona euro

✅ Manovra për të shmangur detyrimet fiskale apo kontrollin e burimit të financimeve

✅ Pastrimin e fondeve përmes ndërtimit luksoz në zona sensitive

Ndërtim strategjik në tokë strategjike

Kulla e pozicionuar përballë ambasadës së SHBA-së, në një zonë elitare të Tiranës, jo vetëm që përfaqëson interesa të mëdha financiare, por edhe garanci sigurie të lartë, duke e bërë atë ideal për investime “të fshehura” të kapitalit të dyshimtë.

Pse ndryshoi befas zhvilluesi? A është kjo një manovër klasike për të përfituar nga sistemi i lejeve të shumëfishta që praktikisht legalizojnë shitjen e licencave të ndërtimit si produkte në treg?