Gjykatësit mund të vendosin të arrestojnë  Carme Forcadell dhe pesë ish-ligjvënës në paraburgim me akuzat për rebelim, kryengritje dhe keqpërdorim të fondeve publike.

Tetë anëtarë të shkarkuar nga qeveria katalanase tashmë po mbahen në paraburgim në një hetim paralel.

Gjykata Kushtetuese e Spanjës vendosi që referendumi katalanas për pavarësi ishte i paligjshëm.

Vendi është kapluar nga një krizë, pasi referendumi për pavarësinë nga Spanja u mbajt më 1 tetor, në kundërshtim me qeverinë qendrore në Madrid.

Pasi parlamenti katalanas votoi për shpalljen e pavarësisë më 27 tetor, qeveria spanjolle mori kontrollin e drejtpërdrejtë të rajonit dhe shkarkoi udhëheqësit e saj.