Do më vrasë fëmijët’, gruaja e tmerruar njofton policinë. Si ra në kurth shqiptari

Një shqiptar ka përfunduar në pranga, pas një kurthi që i ngriti gruaja me ndihmën e policisë. Ngjarja ka ndodhur në Itali, ku një shqiptar u denoncua nga gruaja se e kishte kërcënuar me jetën e fëmijëve dhe pastaj edhe të vetën, nëse ajo nuk kthehej sërish të jetonte me të.

Sipas mediave italiane, ka qenë gruaja që ka telefonuar në polici për të kërkuar ndihmë, në kushte të rënda pas kërcënimeve që kishte marrë nga ish burri.

Gruaja i ka lënë takim në një kabinë në autostradë në Albisola, por atje ka shkuar e shoqëruar me policinë, e cila ka prangosur burrin e akuzuar.