E djathta ekstreme shpallet fituese e zgjedhjeve në Itali sipas exit-polleve

E djathta ekstreme është shpallur fituese e zgjedhjeve në Itali sipas exit polleve të publikuara menjëhëherë pas mbylljes së procesit të votimit në or 23:00.

Sipas këtyre projektimeve, Giorgia Meloni është në rrugën e duhur për t’u bërë kryeministrja e parë grua në historinë e Italisë.

Pas mbylljes së qendrave të votimit në orën 23:00 janë publikuar edhe exit-pollet e para në Itali.

Në exit-pollin e publikuara nga televizioni Rai1, bien në sy projeksioni për një fitore të thellë të qendrës së djathtë, të përbërë nga Forza Italia e Silvio Berluskonit, Lega Nord e Mateo Salvinit dhe Fratelli d’Italia e Giorgia Melonit.

Kjo e fundit pritet të jetë kryeministrja e re e Italisë, me të djathtët që pritet të drejtojnë vendin pa patur nevojën e partive të tjera në koalicion.