E kanë seriozisht Lulzim Basha dhe Kryemadhi?!

Përditësuar më 18 Dhjetor 2017, 12:57

Naim Noka

Rama duket se pas kalkulimeve që ka bërë nuk ka rrugë tjetër vetëm të zgjedhë një prokuror që më pakta do ti jepte pak frymëmarrje në proceset e hapura tashmë brenda dhe jashtë për Saimir Tahirin, dhe disa dosje të nxehta që priten të hapen së shpejti. Ai ka zgjedhur momentin e duhur, pas vizitës në Bruksel dhe deshirën e ambasadorit amerikan Lu, për ta shkarkuar sa më shpejt Prokurorin në detyrë Adriatik Llallën.

Rama është i bindur se fakti i kryer i ka funksionuar përballë një opozite gjumashe dhe pa nerv e seriozitet në misionin e saj. Mbetet për tu parë nëse Basha, Kryemadhi kanë një qellim final ku duhet të arrijnë apo është thjeshtë një karikim i momentit politik.Basha e Kryemadhi do bëjnë sikur protestojnë dhe Rama do bëjë sikur terhiqet. Tallja që mund ti bëhet popullit opozitar më e pakta do të linte në gjumë letargjik Bashën dhe më shumta populli opozitar do ishte i bindur se nuk mund të shkojë më pas Lulit dhe kësaj opozite që nuk i del për zot fateve të demokracise në rrezik.

Kreu i Opozites z.Basha duhet të bëjë të ditura qëllimet e protestës, kushtet , kohëzgjatjen, , strategjine, qëllimin final dhe të japë garanci se protesta e shqiptarëve nuk perfundon me një ”puthje” si në çadër dhe nuk do riflirtojë me kryeministrin Rama.

Këto janë kushtet që nuk negocion asnjë shqiptar i ndershëm që ka vendosur të protestojë. Shqiptarët dhe njerzit e thjeshtë janë të drobitur dhe nuk deshirojnë të jenë mish për top që Basha të bëjë “lojën” e radhës me Ramën. Ndoshta protesta e nesërme nëse ka seriozitetin dhe vendosmërinë e qartë të organizatorëve mund ti presë hovin Ramës dhe nuk është çudi ti shkurtojë edhe ditët e qëndrimit në kolltukun e gjithëpushtetit nëse merr edhe Kryeprokurorin siç e ka vendosur…