E pengoi të parakalonte, në doganën e Morinës u therën me thikë
Një shqiptar i Kosovës është plagosur me thikë në Doganën e Morinës nga një 40 vjeçar po nga Kosova, pasi të dy kanë qenë duke udhëtuar me mjetet e tyre dhe nuk kanë lejuar njëri-tjetrin të kryenin manovrën e parakalimit.
Sipas Policisë, autostradën Milot-Morinë, shtetasi S. B. ka qenë duke udhëtuar me mjet dhe për shkak se shtetasi Ismet Ramadani e ka penguar për të bërë manovrën e parakalimit, të dy kanë ndaluar mjetet te trau dhe pas konfliktit të çastit, shtetasi I. R. ka tentuar të vrasë me mjet të mprehtë thikë shtetasin S. B., 43 vjeç, banues në Fushë-Kosovë, duke e lenë të plagosur.
Shtetasi S. B. ndodhet jashtë rrezikut për jetën. Ai u procedua në gjendje të lirë, pasi ka goditur me grushte shtetasin I. R., duke i shkaktuar dëmtime në fytyrë.
Materialet hetimore i kaluan Prokurorisë pranë Gjykatës së Shkallës së Parë Kukës, në ngarkim të shtetasit I. R., për veprën penale “Vrasja me dashje”, mbetur në tentativë dhe në ngarkim të shtetasit S. B., për veprën penale “Plagosja e lehtë me dashje”.
Keni një histori? Denonco anonimisht, identiteti juaj mbrohet.
Denonco
