E rëndë në Pogradec, vëllai qëllon me thikë vëllain

Një ngjarje e rëndë ka ndodhur mëngjesin e sotëm në Pogradec, ku vëllai i vogël ka plagosur me thikë vëllain e madh, i cili ka përfunduar në spital.

Shtetasi me iniciale S.Sh., 23 vjeç po merret në pyetje lidhur me ngjarjen. Sherri ka ndodhur në banesën e dy vëllezërve, teksa nuk dihet shkaku.

Grupi hetimor po punon për sqarimin e rrethanave të ngjarjes.

Njoftimi i policisë

Më datë 25.03.2024, rreth orës 08:30, në lagjen nr. 4, Pogradec, në banesë, gjatë një konflikti, shtetasi S. Sh., 23 vjeç, dyshohet se ka dëmtuar me mjet prerës (thikë) vëllain e tij 25 vjeç, i cili u dërgua për mjekim në spital.

Shtetasi S. Sh., aktualisht ndodhet i shoqëruar në ambientet e Komisariatit, për veprime të mëtejshme procedurale.

Grupi hetimor po punon për sqarimin e rrethanave të ngjarjes.