Policia e Shkodrës jep detaje për eksplozivin në mjetin e Suida Kukës, që është Drejtoreshë e Drejtorisë së Shëndetit Publik Shkodër.

Policia njofton se njësia anti-eksploziv e RENEA-s ka bërë shpërthimin e kontrolluar të pakos së dyshimtë,  brenda së cilës rezultoi se kishte lëndë eksplozive.

Shkodër/Informacion shtesë

Në vijim të informacionit paraprak për një pako të dyshimtë që u konstatua në lagjen “Vojo Kushi”, Shkodër, në afërsi të një mjeti “Range Rover”, në pronësi të shtetases S. K., banuese në fshatin Demiraj, Malësi e Madhe, me detyrë Drejtoreshë e Drejtorisë së Shëndetit Publik Shkodër, ju informojmë se:

Në vendin ku u konstatua pakoja e mbyllur erdhi njësia antieksploziv e RENEA-s, e cila bëri shpërthim të kontrolluar të pakos, brenda së cilës rezultoi se kishte lëndë eksplozive.

Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, vijon veprimet për zbardhjen e rrethanave të ngjarjes, identifikimin dhe kapjen e autorit.

FOTO/ Kjo është drejtoresha që iu vu eksploziv në mjetin “Range Rover” në Shkodër

Personi që shihni në foto është drejtoresha e Operatorit të Kujdesit Shëndetësor në Shkodër, Suida Kuka, të cilës iu vu eksploziv në mjetin e saj personal tip “Range Rover”.

Ngjarja ndodhi pasditen e sotme, ku policia rrethoi menjëherë zonën, ndërsa forcat xheniere nga Tirana bënë shpërthimin e kontrolluar të lëndës plasëse.

Kush është Suida Kuka?

Suida Kuka aktualisht mban postin e Drejtoreshës së Operatorit të Kujdesit Shëndetësor, post të cilin e mori në maj të këtij viti.

Ndërsa më herët Suida Kuka për më shumë se 1 vit ishte drejtore e Njësisë Vendore të Kujdesit Shëndetësor.