Ekstradohet drejt Belgjikës Denis Matoshi

Autoritetet e Emirateve të Bashkuara Arabe kanë vendosur ekstradimin drejt Belgjikës të Denis Matoshit, pas një procedure të gjatë ligjore mes dy vendeve.

Vendimi është konfirmuar nga Prokuroria belge, ndërsa 37-vjeçari pritet të dërgohet në Belgjikë, ku do të vuajë dënimin e dhënë nga drejtësia në Antwerp.

Matoshi, i njohur me nofkën “shqiptari i gjatë”, është konsideruar nga autoritetet belge si një prej figurave drejtuese të organizatës kriminale “Kompania Bello”, e përmendur në kuadër të një rrjeti ndërkombëtar të trafikut të drogës.

Sipas raportimit të medias belge “Gazet van Antwerpen”, Denis Matoshi është dënuar me 10 vite burg për rolin e tij në aktivitetin e trafikut të drogës.

Ekstradimi i tij drejt Belgjikës vjen pas një procedure të zgjatur ligjore mes autoriteteve belge dhe atyre të Emirateve të Bashkuara Arabe.

Vendimi i autoriteteve në Dubai i hap tashmë rrugë kthimit të Matoshit në Belgjikë, ku pritet të nisë ekzekutimi i dënimit të dhënë nga gjykata e Antwerp-it.

“Kompania Bello” është përmendur prej autoriteteve belge në kuadër të një rrjeti të trafikut ndërkombëtar të drogës, ndërsa çështja është trajtuar prej vitesh nga drejtësia belge.