Elbasan/Vihet në pranga 47-vjeçarja në kërkim ndërkombëtar

Vijon operacioni i koduar “Operacionalja” në kuadër të të cilit është vënë në pranga 47-vjeçarja M. A. alias D. T. 47-vjeçarja ishte e shpallur në kërkim ndërkombëstar nga Interpoli pasi në vitin 2016 është dënuar nga Gjykata e Apelit e Kaliarit e ka dënuar me 9.6 vite burg. E arrestuara akuzohet për “Trafikimi i narkotikëve”, kryer në kuadër të organizatës kriminale.

Arrestimi i 47-vjeçares u bë në Elbasan me qëllim ekstradimin drejt Italisë.

Njoftimi i policisë

Drejtoria e Forcës së Posaçme Operacionale finalizoi operacionin e radhës për kapjen e shtetasve në kërkim ndërkombëtar.

“Operacionalja 44”/E dënuar me mbi 9 vjet burgim, si pjesëtare e një organizate kriminale që trafikonte lëndë narkotike, kapet në Elbasan, 47-vjeçarja.  

Si rezultat i koordinimit të punës dhe shkëmbimit të informacioneve, me partnerët italianë, nëpërmjet strukturave homologe Interpol Tirana dhe Interpol Roma, shërbimet e Drejtorisë së Forcës së Posaçme Operacionale, në kuadër të operacionit “Operacionalja 44”, lokalizuan në Elbasan, kapën dhe vunë në pranga, me qëllim ekstradimin në Itali, shtetasen:

Majlinda Avduli alias Dajana Tafani, 47 vjeçe, banuese ne Elbasan. 

Kjo shtetase ishte shpallur në kërkim ndërkombëtar nga Interpol Roma, pasi Gjykata e Apelit e Kaliarit, Itali, në vitin 2016, e ka dënuar me 9 vjet, 6 muaj e 22 ditë burgim, për veprën penale “Trafikimi i narkotikëve”, kryer në kuadër të organizatës kriminale.  

Interpol Tirana po bashkëpunon me homologët në Romë, për të finalizuar ekstradimin e kësaj shtetaseje, në Itali.