EMRI/ Gomonia me marijuanë nga Shqipëria në Leçe

Një sasi e madhe droge, marijuanës qe sapo kishte mberritur nga Shqiperia me nje vlere rreth 600 mijë euro, u kap në brigjet e Lecce mesditën e së dielës.

Sipas mediave italiane, marijuana kishte dale nga Shqipëria. Ne pranga rane 4 persona, mes tyre edhe shqiptari Arsen Xhaferri 32 vjeç.

Gomonia ku ishte fshehur droga ishte duke u transportuar me një makinë Mitsubishi në territorin e komunës së Frigoles e cila shoqërohej nga një makinë tip “Fiat multipla” në të cilën udhëtonin shqiptari Arsen Xhaferri me precedent penal per emigracion klandestinë dhe dy italianët Cristian e Michele Cito të njohur nga policia italiane.

Për ti shpëtuar kontrollit të policise, të arrestuarit kishin ngarkuar në bordin e gomones instrumente peshkimi duke transportuar mjetin lundrues e lëndën narkotike në mes të ditës dhe duke u përfshirë me masën e gjerë të pushuesve që këtë weekend populluan plazhet e Puglias.

Pas kontrollit në gomonen e gjatë rreth 7 metra u gjetën 502 kg marijuanë. Marijuana ishte e konfeksionuar hermetikisht në thasë me simbole të ndryshme.