EMRI/ Vritet një person me armë zjarri një person në Mirditë

Një ngjarje e rëndë kriminale është regjistruar në orët e para të mëngjesit të kësaj të hëne në zonën e Mirditës, ku një 45-vjeçar ka humbur jetën si pasojë e një vrasjeje.

Sipas të dhënave paraprake nga vendngjarja, episodi i rëndë ka ndodhur në aksin rrugor që lidh zonën me Spaçin. Viktima është identifikuar si Valter Lleshi, ndërsa deri në këto momente nuk ka detaje të plota mbi rrethanat apo motivet që çuan në këtë akt të rëndë.

Autoritetet policore kanë mbërritur në vendin e ngjarjes dhe po punojnë për zbardhjen e plotë të saj, si dhe për identifikimin dhe kapjen e autorit ose autorëve të dyshuar.