Akuza e Gracianos se Romeo Veshaj i ka kërkuar lidhje jashtë shtëpisë së Big Brother, e ka çuar Erjolën në një vendim ekstrem, për të lënë lojën.
Pas primet të djeshëm, ajo është parë duke bërë gati valixhet, dhe ka kërkuar nga produksioni që të lërë në mes lojën.
Në një moment ajo shihet duke bërë rrobat gati, të cilat tenton që t’ia heqë Juli nga dora, për të mos e përshkallëzuar më tej situatën.
Edhe më tej në dhomën e gjumit, situata ka qenë shumë e ndezur, ndërsa Erjola është betuar për shpirtin e të atit, se do të dalë nga loja, por një gjë e tillë i është ndaluar nga produksioni në një moment të dytë.
Diskutimet mes banorëve kanë vijuar deri në orët e para të mëngjesit të sotëm.
