Ermal Meta shkëlqen në Sanremo

Edhe këtë vit, këngëetari shkëlqeu me këngën “Un millione di cose da dirti”, duke marrë shumë pëlqime nga publiku italian dhe fansat e shumtë të tij. Ermal Meta është pretendent për të fituar çmimin e Sanremos.

“Pa emër unë, pa emër ti. Dhe flasim derisa të mos na duhet më një emër. Pa nxitim unë, pa nxitim ti. Butësisht prekim njëri-tjetrin për t’u kuptuar më shumë”, janë vargjet e këngës së Ermalit në “Un millione di cose da dirti”, ku është cilësuar si një nga tekstet më poetike në “Sanremo”.

Sipas klasifikimit, bazuar në votat e publikut, këngëtari kryeson listën për 26 artistët. Ermal Meta ka rrëfyer për mediet italiane, se këtë këngë e posedonte prej 3 vitesh, por sipas tij, kishte pritur momentin e duhur për ta prezantuar në Sanremo.