Ervin Muça mbetet në “arrest shtëpie”

Gjykata e Apelit ka lënë në fuqi vendimin e Shkallës së Parë për ish-drejtorin e IT-së në Policinë e Shtetit, Ervin Muça.

Mbi këtë të fundit është vendosur masa e sigurisë “arrest në shtëpi”.

Kujtojmë që Ervin Muça akuzohet për kopjimin pa autorizim të të dhënave të sistemit TIMS gjatë kohës së tij si drejtor IT në Policinë e Shtetit.

Mësohet se kallëzimi i Agjencisë së Mbikëqyrjes Policore vitin e kaluar u bë në organet e drejtësisë pas insistimit të përfaqësisë amerikane në Shqipëri, të cilët zbuluan edhe ndërhyrjen në sistemin e të dhënave, TIMS.

Muça, pasi shkarkoi të dhënat e paautorizuara duke përdorur “pin”-in e një punonjëseje, i kaloi ato në kompjuterin e tij.

Mbi të rëndon vepra penale “Hyrje e paautorizuar në të dhënat kompjuterike”.