Është burrë? Teoritë e bujshme konspirative për Brigitte Macron

Historitë e pabaza rreth familjes Macron kanë marrë hov në mediat sociale dhe janë përhapur nga grupe anti-qeveritare, si Jelekët e Verdhë, dhe nga anti-vaksinuesit. Një nga më të çuditshmet është pretendimi i YouTuber-es Candace Owens se Brigitte Macron, 72 vjeç, ishte në të vërtetë burrë.

Kjo teori, që fillimisht u mor me ironi, u përhap globalisht falë podcast-it të Owens “Becoming Brigitte” dhe edhe një basti prej 300,000 £ me Piers Morgan. Por lajmet e rreme nuk kanë kaluar pa pasoja. Këtë javë, 10 persona janë përballur në gjykatë në Paris për ngacmim kibernetik ndaj Zonjes së Parë Franceze.

Tiphaine Auzière, vajza e Brigitte Macron, tha në gjykatë se nëna e saj ishte “vazhdimisht nën sulm” dhe se thashethemet kanë ndikuar rëndë në jetën e saj. Ndër të pandehurit janë një zyrtar i zgjedhur, një pronar galerie dhe një mësues, të cilët rrezikojnë deri në dy vjet burg.

Teoritë e çmendura nuk përfshijnë vetëm pretendimin e transeksualitetit, por edhe lidhje imagjinare me CIA-n dhe pjesëmarrjen e Brigitte në eksperimentin e Stanfordit në vitin 1971.

Familja Macron ka reaguar me padinë e saj kundër Owens, duke e quajtur përhapjen e thashethemeve “fushatë poshtërimi të pamëshirshme”. Megjithatë, Owens vazhdoi të promovojë teorinë edhe në programe të tjera televizive dhe në mediat sociale, duke e paraqitur si “interes për të vërtetën”.

Ky gjyq është një pasqyrë e rrallë e mënyrës se si figurat publike përballen me sulmet online dhe rëndësinë e ligjit për mbrojtjen nga shpifjet dhe ngacmimi kibernetik. Vendimi pritet në janar, por fenomeni i teorive të konspiracionit në Francë duket se nuk do të ndalet.