Familjarët e Jeton Lamit refuzojnë urdhërin e mbrojtjes, policia ka videon e tij me Ervis Martinajn dhe një vajzë

Policia ka shkuar në shtëpinë e ish-policit Jeton Lami dhe i kanë ofruar ndihmë, nëse ndihen të rrezikuar nga ndonjë person, pasi familjari i tyre ka ndihmuar të shumë-kërkuarin Ervis Martinajn. Mirëpo, familjarët janë shprehur se nuk kanë frikë nga askush dhe se deri më tani nuk kanë nevojë për urdhër mbrojtje.

Ndërkohë, policia dhe prokuroria e Kurbinit ende nuk kanë gjurmë nga Ervis Martinaj, i cili rezulton i zhdukur që prej datës 7 gusht.

Prokuroria e Kurbinit ka tentuar disa herë të marë në pyetje, ish-policin Jeton Lami, por ai nuk ka pranuar të flasë.

Prokuroria ka një video të Jeton Lamit, Ervis Martinajt dhe një vajze në hollin e një hoteli në Durrës. Lami ishte polici më i besuar i Ervis Martinajt, por mesa duket jo i vetmi.

Pak para arrestimit, Lami ka folur me Gledis Nanon dhe dyshohet se i ka treguar të gjithë krerët e policisë, që kanë pasur bashkëpunim me kreun e grupit kriminal, Ervis Martinaj.