Familjarët gjejnë të varur në oborrin e shtëpisë 75-vjeçaren, dyshohet se…

Një ngjarje e rëndë është regjistruar ditën e sotme në Delvinë, ku një 75-vjeçare është gjetur e varur në oborrin e shtëpisë së saj.

E moshuara është gjetur nga familjarët e saj, të cilët kanë lajmëruar policinë, ndërsa paraprakisht dyshohet se ajo i ka dhënë vetë fund jetës. Në trupin e saj nuk janë konstatuar shenja dhune.

Njoftimi i policisë:

Delvinë/Informacion paraprak

Më datë 31.05.2022, në Delvinë, në oborrin e banesës, është gjetur nga familjarët, e vetëvarur shtetasja N. H., rreth 75 vjeçe, banuese në Delvinë.

Nga këqyrja paraprake nuk janë konstatuar shenja dhune.

Grupi hetimor ndodhet në vendngjarje dhe po punon për zbardhjen e rrethanave të ngjarjes.