Fiqiri Mjeshtri vrau babë e bir në Klos, dy vëllezërit e tij: Nuk ishim dakord për lidhjen e djalit me vajzën
Besnik dhe Fatmir Mjeshtri janë arrestuar mesditën e sotme në Klos pasi akuzohen si bashkëpunëtorë në ngjarjen e rëndë me dy të vrarë dhe dy të plagosur. Të arrestuarit janë vëllezër të Fiqiri Mjeshtrit i cili vrau veten menjëherë pas ngjarjes së rëndë.
Dy vëllezërit e arrestuar kanë deklaruar, se ata nuk kanë qenë dakord për lidhjen e 17-vjeçarit me vajzën e vëllait të tyre. Kur ata morën vesh lidhjen e tyre, e kundërshtuan diçka të tillë.
Ende nuk është zbardhur plotësisht dinamika e ngjarjes, pasi pritet të merren në pyetje edhe të plagosurit e tjerë të cilët aktualisht janë në spitalin e Traumës në kryeqytet.
Babë e bir, Ilir dhe Kenad Shira mbetën të vrarë ndërsa Eglantin dhe Renato Hasula, babë e bir u plagosën rëndë.
Përplasja mes dy fiseve Mjeshtri dhe Hasula ka përfunduar me tre të vdekur dhe dy të plagosur rëndë.
Ilir dhe Kenado Shira janë vrarë në ambientet e jashtme të një lokali në Klos. Mësohet se 17-vjeçari ishte nxënës i shhkollës profesionale të Klosit dhe ditën e sotme babai i tij e kishte pritur që të dy të ktheheshin bashkë me furgon në fshatin e ttyre, Fullqet. Por në hyrje të një lokali në këtë qytet, ata janë qëlluar me armë, ndërsa për pasojë të plagosur kanë mbetur dhe dy të tjerë.
Në media raportohet se 17-vjeçari Shira i ka dalë para babait për ta mbrojtur dhe ka mbetur i vrarë në vendngjarje. Ndërkohë babai i tij i cili u plagos rëndë humbi jetën pasi nuk mori ndihmën e parë në kohë.Keni një histori? Denonco anonimisht, identiteti juaj mbrohet.
Denonco
