FOTO/ As Barcelona, as Reali. Në Spanjë kryeson kjo skuadër surprizë

U largua nga Milani si dështim, por Andre Silva vijon të shkëlqejë te Sevilla, pasi sot shënoi një tjetër gol, duke u dhënë fitoren andaluzianëve përballë Valladolidit dhe duke i ngjitur në krye të renditjes.

Portugezi që është i huazuar te klubi spanjoll, gjeti golin e 8-të në kampionat për këtë sezon, pasi shënoi me një gjuajtje me kokë në minutat e para të sfidës së vlefshme për javën e 13-të të kampionatit spanjoll.

Sevilla fitoi minimalisht 1-0 ndaj Valladolidit, në një sfidë ku krijoi shumë mundësi shënimi dhe rezultati mund të kishte qenë më i thellë, ndërsa me 3 pikët e marra, u ngjit në krye të renditjes, me një pikë më tepër se Barcelona e vendit të dytë.